MOTIVÁNDONOS

Na procura de información atopamos en You Tube estes videos  moi divertidos, onde personaxes tan coñecidos como  o  Pato Donald, Mickey Mouse, Doki  ou Caillou se visten de bomberos. Espero que gocedes tanto como nós.

 

 

 

 

COMEZAMOS UNHA NOVA INVESTIGACIÓN

Nesta ocasión, e tal como vos informamos fai un par de semanas, estamos a investigar sobre os bombeiros, por iso precisamos información, contos, útiles, imaxes, debuxos,…. para que poidamos coñecer algo máis desta profesión.

SARAI E MARCOS TAMÉN GOZARON DA MOCHILA VIAXEIRA

Durante estas últimas semanas e como é costume na aula de tres anos, a Mochila Viaxeira prosigue a súa viaxe polas casas dos nosos picariños. Nesta ocasión Sarai e Marcos gozaron dela e aquí vos presentan os seus traballos. 

FELIZ ANIVERSARIO ROCÍO

Este pasado venres 20 de maio, Rocío cumpriu catro anos, e trouxo unha rosca cunha decoración un tanto especial.

PARABÉNS DE TODOS NÓS

Ver álbum completo

CARACOIS E OS CONTOS DO CAMIÑO NA TVG2

A partires deste mes de maio, as series infantís de animación Caracois e Os Contos do camiño comezarán a emitirse na TVG2.

A primeira das series, Caracois, está dirixida a un público de entre 2 e 4 anos. Os capítulos teñen unha duración duns seis minutos e están basados nas historias dos álbums de Caracois (Armando Quintero e André Letria). Son cinco libriños de NanOQOs, colección da editora OQO.

CARACOIS NA TVG2

A segunda serie infantil, Os Contos do Camiño, está dirixida a nenos e nenas de 4 a 7 anos e consta de 26 capítulos de 10 minutos de duración. A través desta serie poderán visionar populares e marabillosas historias interpretadas por autores contemporáneos e adaptadas ao publico infantil a través de creación de universos plásticos distintos e innovadores.

OS CONTOS DO CAMIÑO NA TVG2

VISÍTANOS BOCABERTA

 Bocaberta é unha iniciativa coa que a Secretaría Xeral de Política Lingüística busca promover a lingua galega entre os rapaces e rapazas de 3 a 18 anos. As actividades que conforman Bocaberta están elaboradas desde os intereses dos nenos co obxectivo fundamental de propiciar a súa participación activa a través da palabra. Nesta ocasión gozamos cun obradoiro de teatro chamado “Señor Mundo, dígame?.

Esta representación teatral ofrécenenos un recital tolo de poesía sonora e visual para facer gozar os nosos picariños.

Ver álbum completo

VIII ENCONTROS DE EDUCACIÓN INFANTIL

Durante a pasada fin de semana, tiven a gran sorte de participar nos VIII Encontros de Educación Infantil. Esta xornada intensa, pero moi gratificante, sempre abre as portas a novas propostas, neste caso da man de Miryam Nemirovsky, Teresa Neira, Javier Abad, Meritxell, Angela Sátiro….. a novos traballos, e sobre todo, reencóntraste con compañeiros e compañeiras cos que poder compartir inquedanzas durante dous días.

Estes encontros foron moi especiais para este blog, xa que Eva García Sexto, asesora da Consellería, nos permitiu presentar a experiencia “Entramos en erupción”, desenvolta no curso pasado. Moitas grazas.

A MOCHILA VIAXEIRA SEGUE VIAXANDO

Tralas vacacións puidemos descubrir as manualidades que fixeron os nosos picariños coa axuda das súas familias. Aquí vos presentamos os traballos de Uxía, Alicia, Carla e Pablo.

De novo grazas familias pola vosa implicación, e sobre todo reitero os meus parabéns, xa que vos están a quedar uns traballos moi orixinais.