Todos os inventos que estamos descubrindo estámolos a representar graficamente, pois ben, as bombillas non ían ser menos, aquí tendes as nosas representacións.
A que semellan reais?
Cando falamos de lámpadas ou bombillas, non podemos esquecernos de mencionar a máis famosa do mundo.
Pero que non sabedes que hai unha bombilla famosa?. Pois si, e atópase en California nun parque de bombeiros, ollade, ollade.
Agora ben, parece ser, que no ABC deste pasado venres 16 de marzo se publicou a noticia de que un enxeñeiro español acaban de crear unha nova bombilla que competirá coa californiana, xa que non ten data de caducidade.
A través da aplicación Symbaloo recollemos os enlaces e os vídeos que fomos descubrindo durante o transcurso deste proxecto. Esperamos que vos sirva de axuda, e sobre todo poidades afondar en curiosidades de inventos tan cotiás como o coche, o teléfono….
EDISON foi un gran inventor, e será a quen lle debamos inventos como a bombilla, o fonógrafo, a máquina de escribir, o cinetoscopio, … chegando a patentar mil noventa e tres inventos.
Ao estudar este invento, descubrimos que existe unha gran cantidade de lámpadas, diferenciando en tres grandes tipos. Para unha maior comprensión atopamos este enlace recollido do IES María Zambrano. Preme encima da lámpada verde para acceder ao enlace.
Os venres acudimos á aula de informática onde gozamos dos e cos ordenadores e tamén da Pizarra Dixital Interactiva.
Nesta xornada xogamos a acender e apagar o número de lámpadas que nos indicase o recadro.
Pasámolo xenial, incluso gañamos trofeos, mirade, mirade ….
E por que non xogar a contar bombillas?. Animádevos e gozade con este xogo Vedoque.
Seguimos coñecendo inventos, e nesta ocasión investigamos e traballamos coa información que trouxeron Rubén e de Sarai sobre as BOMBILLAS . Este invento está nas nosas vidas, agora ben, parámonos algún intre a mirar a forma que teñen? que tipos hai? como se chaman as súas partes?.
As nosas pescudas están a dar os seus froitos, e xa coñecemos máis datos sobre os coches, e as súas partes, que non volo credes?, pois mirade, mirade ben.
Unha vez creada a roda, quedaba outro invento moi importante, e o cal utilizamos a diario 
Un dos autos máis coñecidos foi o poxectado por Henry Ford, o Ford T, que conseguiu un alto nivel de vendas.
Queredes saber máis?
Aquí tendes varios vídeos da serie de debuxos animados Érase una vez… Los inventores: Ford y la aventura del automóvil.
Dende a biblioteca tamén quixeron celebrar este día. o Día da Poesía, e por iso nos regalaron a todos os picariños un caravel e un poema.
Como xa dixemos nunha entrada anterior estamos a traballar co conto Pequeno Azul e Pequeno Amarelo, pois ben, nesta ocasión decidimos descubrir que ocorre se miramos a través de papeis de cores: azul, amarelo; e o máis importante, que ocorre cando poñemos os dous papeis superpostos?.
Podedes probar os nosos picariños xa o fixeron.
PARABÉNS A TODOS OS PAPÁS DO MUNDO, E LEMBRADE QUE PARA OS VOSOS PEQUENOS E PEQUENAS SODES OS MELLORES.
Durante esta semana estivemos a celebrar a conmemoración da Semana da Prensa, marcada polo noso calendario escolar.
Pois ben, dende a nosa aula de catro anos decidimos recoller algunha noticia da prensa desta semana e comentala, pero sobre todo, quixemos coñecer as partes que a compoñen; distinguiremos entre data, foto, titular e corpo da noticia.
A nosa investigación comeza coñecendo a historia da RODA, cando se inventou? quen?como o fixo?.
Coñecer cando se inventou a roda e case totalmente imposible, pero o que si podemos afirmar e que se inventou fai moitos, moitos anos. A roda máis antiga, ata o momento, atópase en Eslovenia e data de 3000 anos antes do nacemento de Cristo.
Outra incógnita é determinar a persoa que inventou a roda. Os historiadores afirman que teriamos que remontarnos á rexión de Mesopotamia para atopar ao descoñecido autor deste descubremento tan importante nas nosas vidas.
O primeiro dos inventos no cal profundizamos foron as RODAS, tan importantes na nosa vida cotiá, xa que cantos obxectos teñen rodas?. Coa axuda das nosas familias descubrimos que hai moitos obxectos que teñen rodas como os carritos, os patinetes, a aspiradora, o coche………
Agora ben, podemos atopar diferentes tipos de rodas, sabedes cales???
.png "English"){kind=small}
