COLAXE DE UVAS

A temática da vendima segue a estar presente na nosa aula, tal é así, que decidimos crear un colaxe alusivo a época estacional na cal nos atopamos: o outono, otorgándolle un papel moi importante as uvas, sobre todo aos acios de uvas. Este foi o proceso que realizamos.

MONCHO E A MANCHA

Ao longo deste proxecto de arte tamén utilizamos os contos como ferramentas de grande utilidade dentro da aula. Nesta ocasión servímonos de Moncho e a Mancha de Kiko da Silva. Trala lectura do conto, cada neno tivo que confeccionar unha mancha e convertila no que cada quen quixera, utilizando as tesoiras e outros materiais que lles permitisen ilustrar aos personaxes e aos obxectos que descubriron tras mirar e mirar as súas manchas. Aquí tendes algúns exemplos.

OS PICARIÑOS QUEREMOS Á PAZ

O venres 29 de xaneiro celebramos o Día da Paz e non violencia no noso colexio.Este ano os Picariños quixemos celebrar este día con dúas actividades. A primeira realizámola o xoves desa semana e foi a confección dun caligrama partindo de palabras que lles fomos roubando aos profes e aos nosos compañeiros. Os cativos e cativas sairon aos patios atavíados cun lápis e papel e trouxeron moitas palabras. Das moitas que tiñan, escollían unha que despois plasmaron neste caligrama.

A maiores e dado que estamos a traballar ao longo deste trimestre coa arte, e en concreto con Picasso, unha das figuras máis representativas do cubismo decidimos reproducir unha das pobras de Picasso: Guernica e reconvertila nun cadro moito máis vivo e cheo de cores.Estará exposto no panel de fóra da clase.

A maiores, o venres festexamos a Paz cantando e confeccionando unha pequena paloma a modo de chapa, pin. Foi un día diferente, onde quixemos destacar valores tan importantes nas nosas vidas como amizade, compañeirismo, tolerancia, cooperación..... .

ACHEGÁMONOS A ARTE DA MAN DE... PICASSO

Este segundo trimestre que está a piques de comezar, sempre que a neve nos deixe, achegarémonos á arte da man dun dos mellores artistas do Século XX: PABLO RUÍZ PICASSO, e sobre todo un dos mellores representantes do Cubismo, movemento artístico de comezos do século XX. Durante este meses profundizaremos na súa vida, averiguando aspectos familiares: quen era súa nai, seu pai, súa irmá..., a data e lugar de nacemento, onde desenvolveu a súa obra, as fases ou etapas polas que foi pasando, pero sobre todo, penetraremos na súa obra e examinaremos as obras máis representativas.

Aquí tendes algo sobre este gran pintor e escultor.

PresentacióN Cubismo Picasso

Picasso1

RETRATAMOS AOS NOSOS PAPÁS E MAMÁS

Co gallo do Día do Pai e do Día da Nai retratamos aos nosos papis con carboncillo. Gustounos moito, pero sobre todo a quen máis lles gustou foi aos nosos papás, xa que é a primeira obra de arte dos seus meniños.