UNHA TARDE DE FILLOAS

Que mellor maneira de rematar esta semana de Entroido que comendo unhas saborosas filloas recheas de chocolate, mermelada ou azucre cos nosos compañeiros de 4º de Educación Primaria e a súa mestra Anabel.

Para recordar esta saborosa actividade a profe Anabel preparou unha presentación con fermosas instantáneas da gran Tarde Filloeira. Moitas grazas profe, encántanos esta presentación e encantáronnos as filloas que fixeron os teus alumnos. 

Presentación de diapositivas: Tarde filloeira - Diapositivas

FESTA DO ENTROIDO

Na mañá de hoxe os picariños, co resto dos compañeiros do cole, festexamos o Entroido. O colexio, cos mestres aos frente, viuse invadido por sacrys, fadas, reis, pallasos, vaqueiros.....  Todos gozamos desta gran entroidada na cal degustamos rosca e chocolate ofertadas polo propio colexio e bailamos cancións tan coñecidas como Unha vaca marela..., soy un taza...... Aquí vos deixamos unhas instátaneas dese día, a que iamos guapos?

DEVORADORES DO ENTROIDO

Nesta tarde chuviosa de febreiro, moi pretiño do tempo de entroido, os alumnos de terceiro de primaria e os picariños quixemos empregar o noso tempo en algo útil: facer e degustar filloas.

A actividade consistiu en fixarse nos ingredientes e anotalos, facer a mestura, bater ben batidiño, pasar pola tixola e...... ummmm que ricas estabas. 

Para tal evento contamos coa valiosísima colaboración das nosas mestras, Anabel e Vanessa, e como non, de Marta, a encargada de virar a nosa filló para que non se queimase. 

Unha gran tarde chea de moita cociña e boa compaña. 

XOVES DE COMPADRES E COMADRES

Desde fai uns tres anos, esta actividade da o pistoletazo de saída da festa do Entroido. A pesares de non ser unha tradición propia da zona, acollémola como nosa, e entre o alumnado ten moita acepción. 

De que se trata?, pois ben, as alumnas do centro deben confeccionar un boneco sinxelo con papeis e cartóns, semellando un neno. Na hora do recreo, os rapaces deben romper esa criatura. E ao seguinte xoves os roles se invirten, sendo os rapaces quenes crean unha boneca que tentarán romper as rapazas.

Esta actividade supón o cambio de roles e a ruptura coas normas que se produce no Entroido, xa que por un días os nenos toman o mando e as nenas teñen que arrebatarllo.

UMMMMM QUE SABOROSAS

Que gran sorpresa!!!. Esta mañá nada máis chegar Silvia sorprendeunos a todos  cunha morea de filloas. Que saibades que estaban moi boas, que case todos os probamos e......para cando a próximoa. Moitas grazas por compartir con nós esta gran sobremesa típica destas datas. 

DÍA 3 DA SEMANA DO MECO

Os días van pasando e cada vez aparecen máis complementos do disfrace, por iso queremos deixar constancia de que Os Pícaros de Vane non queremos "ir ao pote" e estamos a cumprir o que nos mando o meco. 

DÍA 1 DA SEMANA DO MECO

Como xa vos comentaramos estos días estamos a celebrar a Semana do Meco no colexio, polo que cada día temos que levar parte do noso traxe, así ata chegar a venres, cando descubriremos os diferentes disfraces do noso alumnado. 

Os Pícaros xa comezaron a traer cousiñas, a ver se adiviñades de que se poden vestir?. Será de..... ou de.......

SEMANA DO MECO

XOVES DE COMPADRES E DE COMADRES

A semana pasada iniciamos o Entroido no noso centro, e como, vos preguntaredes. Pois ben, a profe Patricia tivo unha idea, celebrar o día das Comadres e dos Compadres.

Así, no primeiro os nenos levan a súa COMADRE (un boneco de sexo feminino feito en papel) e as rapazas intentan arrincarllo, e no segundo, as nenas levan o seu COMPADRE (un boneco con sexo masculino) e os nenos intentan arricarllo.

Aquí tendes unha mostra dos nosos Compadres e das Comadres

INDIOS POR UN DÍA

Xa chegou o gran día e por fin, puidemos vestirnos coma os indios e gozar durante a mañá do pasado venres. Aquí vos deixamos algunhas das imaxes desa xornada.

XA CHEGOU O GRAN DÍA

Por fin chegou!!!. Xa chegara o día máis esperado para todos, poderiamos lucir moi contentos e orgullosos os noso traxes, a nosa vestimenta, e sobre todo, poderiamos recorrer as rúas de Forcarei como verdadeiros pintores, coa paleta e con pincel na man, creo que esto foi o que máis nos gustou. Estabamos moi guapos, e non eramos os únicos, os nosos compis de Infantil (Paiasos) e Primaria (peregrinos, abellas, lápis de cores e pantallas)tamén.

Ben ataviados, subimos ata a praza do Concello, onde ademais de ollar cara as mamás, papás, avós, avoas.... e sacar a foto de grupo, tamén vimos a actuación dun Mago, e degustamos un anaquiño de rosca cun quentiño chocolate, creo que foi o que máis nos gustou, e do cal repetimos, repetimos, repetimos.....

VISITA DUN XENERAL DO ULLA

Na tarde do mércores 10 de febreiro recibimos, no CEIP Nosa Señora das Dores, unha visita moi especial, un xeneral do Ulla. Ao longo dunha hora este personaxe tan característico do Entroido do Ulla contounos e explicounos como van vestidos e porqué, o prezo da súa indumentaria, como celebran os entroidos na súa parroquia, e tamén nos amosou un vídeo dun Atranque de Xenerais.

E como non podía ser menos, os nenos e nenas de 6º de Primaria fixeron un Atranque moi especial, adicado con moito agarimo a todos/as os mestres do colexio.

Moitas grazas a todos, e que vivan os Carnavais!!!

AI VEN O ENTROIDO

O Entroido comeza!!!. O Meco e maila Meca acaban de acomodarse nun dos bancos do salón coa intención de botar alí arredor dunha semana. Ao longo da mesma, estarán ollando cara todos nós coa intención de levarnos ao pote senón cumprimos as súas ordes.

Os Picariños non fomos ao pote. Eiquí algunha das imaxes dos nosos pequenos.