A CREAR!

Este mes de Nadal é típico polas fermosas decoracións que atopamos na rúa, nos escaparates, nas tendas…..., pois ben, dende a aula de tres anos quixemos crear os nosos propios adornos, tanto de xeito individual como por pequenos equipos. 

Foi unha longa tarefa que conlevou a creación de tres grandes elaboracións: unha BOLA de Nadal personalizada que formará parte da decoración da nosa árbore, un simpático RENO empregando material de refugallo (o tubo do papel hixiénico) e unha fermosa COROA, a través da cal puxemos en práctica a importancia do traballo en pequeno grupo.

COLAXE DE UVAS

A temática da vendima segue a estar presente na nosa aula, tal é así, que decidimos crear un colaxe alusivo a época estacional na cal nos atopamos: o outono, otorgándolle un papel moi importante as uvas, sobre todo aos acios de uvas. Este foi o proceso que realizamos.

SARAI E MARCOS TAMÉN GOZARON DA MOCHILA VIAXEIRA

Durante estas últimas semanas e como é costume na aula de tres anos, a Mochila Viaxeira prosigue a súa viaxe polas casas dos nosos picariños. Nesta ocasión Sarai e Marcos gozaron dela e aquí vos presentan os seus traballos. 

A MOCHILA VIAXEIRA SEGUE VIAXANDO

Tralas vacacións puidemos descubrir as manualidades que fixeron os nosos picariños coa axuda das súas familias. Aquí vos presentamos os traballos de Uxía, Alicia, Carla e Pablo.

De novo grazas familias pola vosa implicación, e sobre todo reitero os meus parabéns, xa que vos están a quedar uns traballos moi orixinais.

FELICIDADES PAPÁS

Xa chegou ese día tan esperado polos Picariños. Ao longo desta semana estiveron a contar os días que faltaban para poder darlle o agasallo que lle fixeran ao seus papás. Durante a semana fixeron moitos e moitos debuxos, moi variados para esas persoas tan importantes para eles: os seus papás. O primeiro que vístedes onte foi o sobre cheo de corazóns e cunha dedicatoria especial: FELICIDADES PAPÁ, con el queriamos evitar que os papis máis curiosos puideran descubrir a sorpresa.

E supoño que hoxe xa vos deron ese sobre para ensinarvos o seu regalo. Dentro dese gran sobre ía unha tarxeta de felicitación que cadaquen decorou e escribiu e o marco-oso totalmente persoanlizado para vós papis.