UNHA RECEITA MOI, MOI DOCE

Hoxe e de forma totalmente inesperada chegou a nosa clase osiño. Era moi, pero que moi especial, xa que o fixeron Rubén e a súa mamá no Taller de Cociña Familiar. Contounos o proceso de elaboración e os ingredientes que utilizaron para a receita.

A merenda no día de hoxe foi moi doce e saborosa. Todos os nenos e nenas e mailas mestras e mestres quixemos probar este saborosa osiño.

Moitas grazas a Teresa e a Rubén pola súa receita.

Ver álbum completo

RUBÉN LEVA O MALETÍN VIAXEIRO

Rubén leva varios días moi emocionado, porque este venres leva para a súa casa o Maletín Viaxeiro, un maletín que deberá devolver dentro dunha semana e o cal lle permitirá realizar unha receita coa súa familia, receita que nos deberá agasallar e recoller no noso receitario viaxeiro.

Esperamos prontiño as vosas impresións familia.  

TALLER DE COCIÑA FAMILIAR

Na nosa aula  estamos a desenvolver un  Taller de Cociña, preparando, como podedes ver nas entradas anteriores, receitas arrepiantes. Agora ben, esta actividade non queremos que quede só dentro da nosa aula, polo que precisamos estender o noso taller e convertelo no Taller de Cociña Familiar; queremos que nenos e nenas gocen da e coa cociña, rodeados dos que mais queren, pais, nais, avós,a voas, madriñas…

Para poder facer realidade esta iniciativa, dende este venres cada nena e neno coa súa familia gozará do Maletín Viaxeiro. Dentro deste atoparemos o noso Receitario Viaxeiro, onde poderedes agasallarnos con novas receitas moi apetitosas, e facer os comentarios que consideredes oportunos, e un libro de receitas titulado Mi primer Libro de Cocina, que vos ofrecerá novas ideas, aínda que non creo que faga falla.

Esperemos que gocedes da actividade tanto coma nós,

ÁNIMO E A COCIÑAR!!!!!