O TENDAL NAMORADEIRO

Co gallo do Día dos Namorados o 14 de febreiro, a biblioteca do noso colexio quixo que nos convertiramos en costureiras e sastres e escribiramos unha fermosa misiva de amor para un namorado ou namorada. 

Os Picariños non o dubidamos. Collemos lápis e papel e ...... enchemos estas pezas de roupa de fermosas frases/palabras de amor.

Con todas as cartas, Biblo, a mascota da biblioteca creou un gran TENDAL MORADEIRO. 

O NOSO LIBRO DOS BICOS

Non quedamos impasibles ante esta temática, xa que a nós, aos picariños encántannos os bicos laranxas, verdes....., de todas as cores!

Unha vez lido o conto, puxémonos mans á obra e recollemos nunha pequena actividade, realizada por equipos (parellas e tríos), as características principais dos bicos que aparecen no conto de Mamá, ¿de qué color son los besos?. Aludimos á cor, descrición e comparación. 
A maiores, e o que máis nos gustou foi experimentar co noso propio corpo, neste caso pintamos os beizos e agasallamos bicos de cores.

En breve poderedes ver o resultado deste libro, entrementres ollade algunhas instantáneas deste proceso.

MAMÁ, ¿ DE QUÉ COLOR SON LOS BESOS?

Pero que hai máis fermoso que as mostras de amor?, e se son en forma de fermosos bicos moito mellor!!!. 
Por iso, durante estas semana estivemos a conversar sobre  o amor, os bicos a súa importancia, as cores.... e claro, para todo iso empregamos un conto estupendo que tres picariños, Manuel, Carla e Silvia, xa coñecían, MAMÁ, ¿DE QUÉ COLOR SON LOS BESOS? de Elisenda Queralt ilustrado por Carla Pott e editado por Itsimgical (Imaginarium).

Unha fermosa historia de Pablo, un cativo con moitas inquedanzas e cuestións, sobre todo arredor das cores dos bicos, pero ¿os bicos poden ser de cores?. 

Pois si, descubrimos que hai bicos laranxas, azuis, verdes, vermellos...... tantas cores como o arco da vella; non todos teñen o mesmo significado, se queredes descubrir cal é cal, ollade este video. 

HISTORIAS CON MOITO AMOR

Preme aquí

O amor está presente nas nosas vidas, e moito máis este mes. Sendo esto un feito, quixemos recoller algúns títulos interesantes para conversar cos cativos sobre o amor empregando a plataforma Pinterest.   Seguro que algún deles xa os coñecedes. 

DOCE AMOR

A semana pasada celebramos no colexio o Día de San Valentín, día dos namorados, e a aula de catro anos, non se quedou atrás, como non podía ser doutro xeito, decidiu facer un biscoito para compartir con todos e todas,  nesta ocasión foi un biscoito de amor.

Ver álbum completo

Aquí vos deixamos algunha das imaxes do noso proceso, como non agradecer as nosas cociñeiras, xa que precisamos a súa axuda para poder cocer este doce. 

 

CARTAS DE AMOR

O mes de febreiro é o mes dos Namorados, por iso, no noso centro quixemos celebralo realizando unhas cartas de amor-amizade e entregándollas ao BUZÓN NAMORADO, que se atopaba ás portas da biblioteca.

Despois, o martes 15 de novembro repartíronse as cartas, e......... SORPRESA!!! todos tiñamos unha carta.